Enpresen berrikuntza sostengatu

Berrikuntza sostengatzeko, Euskal Hirigune Elkargoak erabaki du bere ekintza zortzi arlo estrategikotara hedatzea. Arlo horiek guztiek lanpostu kualifikatuak eta behar bezala ordainduak dituzte. Horiek dira, besteak beste: numerikoa, eraikuntza iraunkorra, osasuna eta abar. Inbertsioak zehazki bideratzean, tokiko sailei, jadaneko dinamikoak diren horiei, aukera ematen die haien garapena zalutzeko. Horretarako, duela 15 urte baino gehiagotik segura dela frogatu den eredu batean oinarritzen da: teknopoloak. Izan ere, leku horietan, enpresak, ikertzaileak eta unibertsitateak zuzenean elkarrekin ari dira lanean. Erakargarritasun-gune horietatik haratago, hurbileko ekipamendu-sare bat ere garatzen du, hala nola FabLab-ak, enpresa-inkubagailuak edo sormen-lekuak, leku guztietan esperimentazioak eta sinergiak sustatzeko. Aipatzekoa da Itsasun egoitza duen Habia elkargoko mintegiaren adibidea, Ipar Euskal Herri barnealdeko proiektu-eramaileak laguntzen dituena.

Baina garapen ekonomikoa ingurumena babesteko premiazko beharrarekin baino ezin da bateratu. Hala, Euskal Hirigune Elkargoak bere finantziazio-baliabideen multzoa zuzentzen die ingurumen-betebeharra kontuan hartzen duten eragileei, haien garapenerako ezinbesteko baldintza gisa. Hori da, hain zuzen ere, erresilientzia- eta errendimendu-kontratu berriaren kasua, lurraldeko enpresa eta industrialariek deskarbonazio-proiektuetan laguntzen dituena, edo enpresa-higiezinen araudiaren kasua, ingurumen-irizpideak ezartzen dizkiena hautagaiei dirulaguntza baten onuradun izateko.