Gure herrietako bizi kalitatea hobetu

Ipar Euskal Herriaren antolaketa iraunkorra plantan ezartzea Euskal Hirigune Elkargoaren sortzearen oinarrietako bat da. Garapen ekonomikoa eta baliabide naturalen zaintza bateratzeko, elkargoko maila eraginkorrena bezala agertzen da gaur egun.

Progresiboki herrietako hirigintza dokumentuak herriarteko mailan berriz definituak dira, bizi eremuen garapen orekatua ahalbidetzeko gisan. Gisa horretan, Euskal Hirigune Elkargoak Ipar Euskal Herri barnealdeko Amikuzeko, Hego Baxenabarreko eta Xiberoako 3 herriarteko Tokiko Hirigintza Plan (hTHP) sortu ditu. Plan horrek biharko lurraldea marraztuko du, bizilekuak, zerbitzu publikoak, aktibitate ekonomikoak eta laborantza baimenduak izanen dituzten eremuak finkatuz. Kutsadura bisualaren aurka borrokatzeko eremu publikoan publizitate afitxatzea hobe arautzea ahalbidetuko duen herriarteko Tokiko Publizitate Araudi (hTPA) berria ere sortuko du.

Planifikatze estrategiko horrez gain, Euskal Hirigune Elkargoak hirien erdiguneen erakargarritasuna eta bizi kalitatea mantentzea helburu duten herrien ekimenak laguntzen ditu. 4 urtetan herriko etxeei 30 milioi €-ko zuzeneko laguntza ordaindu die jadanik. 2023-2026 agintaldian dohaintza hori bikoiztuko da. Bestalde, “Biharko hiri ttipiak” programaren herri saridunek (Hazparne, Hendaia, Maule-Lextarre, Donibane Garazi eta Donapaleu) partzuer guzien (Estatua, departamenduko kontseilua, etab.) laguntza berezia dute, trantsizio ekologikoa berriz dinamizatzeko eta zalutzeko gisan.

Azkenik, Euskal Hirigune Elkargoak herriko etxe anitzi beste eremu anitzetan ekartzen dien sustengua oroitaraz genezake: gidabaimenen instrukzioa, helbideratzea (etxebizitza bakoitzari helbide identifikagarria ematea), eraikin publikoak eskuragarri ezartzea edota Geobasque atariaren bidezko informazio geografikoen numerizatzea.